ಪುಣ್ಯಕೋಟಿ ಕಥೆ

ಧರಣಿ ಮಂಡಲ ಮಧ್ಯದೊಳಗೆ
ಮೆರೆಯುತಿಹ ಕರ್ಣಾಟ ದೇಶದಿ
ಇರುವ ಕಾಳಿಂಗನೆಂಬ ಗೊಲ್ಲನ
ಪರಿಯನೆಂತು ಪೇಳ್ವೆನು

ಎಳೆಯ ಮಾವಿನ ಮರದ ಕೆಳಗೆ
ಕೊಳಲನೂದುವಾ ಗೊಲ್ಲ ಗೌಡನು
ಬಳಸಿ ನಿಂದ ತುರುಗಳನ್ನು
ಬಳಿಗೆ ಕರೆದನು ಹರುಷದಿ

ಗಂಗೆ ಬಾರೆ ಗೌರಿ ಬಾರೆ
ತುಂಗಭದ್ರೆ ತಾಯಿ ಬಾರೆ
ಪುಣ್ಯಕೋಟಿ ನೀನು ಬಾರೆ
ಎಂದು ಗೊಲ್ಲನು ಕರೆದನು

ಗೊಲ್ಲ ಕರೆದ ದನಿಯ ಕೇಳಿ
ಎಲ್ಲ ಹಸುಗಳು ಬಂದು ನಿಂದು
ಚೆಲ್ಲಿ ಸೂಸಿ ಹಾಲು ಕರೆಯಲು
ಅಲ್ಲಿ ತುಂಬಿತು ಬಿಂದಿಗೆ

ಸತ್ಯವೇ ಭಗವಂತನೆಂದ ಪುಣ್ಯಕೋಟಿಯ ಕಥೆಯಿದು

ಹಬ್ಬಿದಾ ಮಲೆ ಮಧ್ಯದೊಳಗೆ
ಅರ್ಭುತಾನೆಂದೆಂಬ ವ್ಯಾಘ್ರನು
ಅಬ್ಬರಿಸಿ ಹಸಿ ಹಸಿದು ಬೆಟ್ಟದ
ಕಿಬ್ಬಿಯೊಳು ತಾನಿದ್ದನು

ಸಿಡಿದು ರೋಷದಿ ಮೊರೆಯುತ ಹುಲಿ
ಗುಡುಗುಡಿಸಿ ಭೋರಿಡುತ ಚಂಗನೆ
ತುಡುಕ ಲೆರಗಿದ ರಭಸಕಂಜಿ
ಚೆದರಿ ಹೋದವು ಹಸುಗಳು

ಪುಣ್ಯಕೋಟಿ ಎಂಬ ಹಸುವು
ತನ್ನ ಕಂದನ ನೆನೆದುಕೊಂಡು
ಮುನ್ನ ಹಾಲನು ಕೊಡುವೆನೆನುತ
ಚೆಂದದಿ ತಾ ಬರುತಿರೆ

ಇಂದೆನಗೆ ಆಹಾರ ಸಿಕ್ಕಿತು
ಎಂದು ಬೇಗನೆ ದುಷ್ಟ ವ್ಯಾಘ್ರನು
ಬಂದು ಬಳಸಿ ಅಡ್ಡಗಟ್ಟಿ
ನಿಂದನಾ ಹುಲಿರಾಯನು
ಸತ್ಯವೇ ಭಗವಂತನೆಂದ ಪುಣ್ಯಕೋಟಿಯ ಕಥೆಯಿದು

ಮೇಲೆ ಬಿದ್ದು ನಿನ್ನನೀಗಲೆ
ಬೀಳಹೊಯ್ವೆನು ನಿನ್ನ ಹೊಟ್ಟೆಯ
ಸೀಳಿಬಿಡುವೆನು ಎನುತ ಕೋಪದಿ
ಖೂಳ ವ್ಯಾಘ್ರನು ಕೂಗಲು

ಒಂದು ಬಿನ್ನಹ ಹುಲಿಯೆ ಕೇಳು
ಕಂದನಿರುವನು ದೊಡ್ಡಿಯೊಳಗೆ
ಒಂದು ನಿಮಿಷದಿ ಮೊಲೆಯ ಕೊಟ್ಟು
ಬಂದು ಸೇರುವೆ ನಿಲ್ಲಿಗೆ

ಹಸಿದ ವೇಳೆಗೆ ಸಿಕ್ಕಿದೊಡವೆಯ
ವಶವ ಮಾಡದೆ ಬಿಡಲು ನೀನು
ನುಸುಳಿ ಹೋಗುವೆ ಮತ್ತೆ ಬರುವೆಯ
ಹುಸಿಯ ನಾಡುವೆ ಎಂದಿತು

ಸತ್ಯವೇ ನಮ್ಮ ತಾಯಿ ತಂದೆ
ಸತ್ಯವೇ ನಮ್ಮ ಬಂಧು ಬಳಗ
ಸತ್ಯ ವಾಕ್ಯಕೆ ತಪ್ಪಿ ನಡೆದರೆ
ಮೆಚ್ಚನಾ ಪರಮಾತ್ಮನು

ಸತ್ಯವೇ ಭಗವಂತನೆಂದ ಪುಣ್ಯಕೋಟಿಯ ಕಥೆಯಿದು

ಕೊಂದು ತಿನ್ನುವೆನೆಂಬ ಹುಲಿಗೆ
ಚೆಂದದಿಂದ ಭಾಷೆಯಿತ್ತು
ಕಂದ ನಿನ್ನನು ನೋಡಿ ಪೋಗುವೆ
ನೆಂದು ಬಂದೆನು ದೊಡ್ಡಿಗೆ

ಆರ ಮೊಲೆಯನು ಕುಡಿಯಲಮ್ಮ
ಆರ ಬಳಿಯಲಿ ಮಲಗಲಮ್ಮ
ಆರ ಸೇರಿ ಬದುಕಲಮ್ಮ
ಆರು ನನಗೆ ಹಿತವರು

ಅಮ್ಮಗಳಿರಾ ಅಕ್ಕಗಳಿರಾ
ಎನ್ನ ತಾಯೊಡ ಹುಟ್ಟುಗಳಿರಾ
ಕಂದ ನಿಮ್ಮವನೆಂದು ಕಾಣಿರಿ
ತಬ್ಬಲಿಯನೀ ಕರುವನು

ಮುಂದೆ ಬಂದರೆ ಹಾಯಬೇಡಿ
ಹಿಂದೆ ಬಂದರೆ ಒದೆಯಬೇಡಿ
ಕಂದ ನಿಮ್ಮವನೆಂದು ಕಾಣಿರಿ
ತಬ್ಬಲಿಯನೀ ಕರುವನು
ಸತ್ಯವೇ ಭಗವಂತನೆಂದ ಪುಣ್ಯಕೋಟಿಯ ಕಥೆಯಿದು

ತಬ್ಬಲಿಯು ನೀನಾದೆ ಮಗನೆ
ಹೆಬ್ಬುಲಿಯ ಬಾಯನ್ನು ಹೊಗುವೆನು
ಇಬ್ಬರಾ ಋಣ ತೀರಿತೆಂದು
ತಬ್ಬಿಕೊಂಡಿತು ಕಂದನ

ಗೋವು ಕರುವನು ಬಿಟ್ಟು ಬಂದು
ಸಾವಕಾಶವ ಮಾಡದಂತೆ
ಗವಿಯ ಬಾಗಿಲ ಸೇರಿನಿಂತು
ತವಕದಲಿ ಹುಲಿಗೆಂದಿತು

ಖಂಡವಿದೆಕೊ ಮಾಂಸವಿದೆಕೊ
ಗುಂಡಿಗೆಯ ಬಿಸಿರಕ್ತವಿದೆಕೊ
ಚಂಡವ್ಯಾಘ್ರನೆ ನೀನಿದೆಲ್ಲವನುಂಡು
ಸಂತಸದಿಂದಿರು

ಪುಣ್ಯಕೋಟಿಯ ಮಾತ ಕೇಳಿ
ಕಣ್ಣನೀರನು ಸುರಿಸಿ ನೊಂದು
ಕನ್ನೆಯಿವಳನು ಕೊಂದು ತಿಂದರೆ
ಮೆಚ್ಚನಾ ಪರಮಾತ್ಮನು

ಎನ್ನ ಒಡಹುಟ್ಟಕ್ಕ ನೀನು
ನಿನ್ನ ಕೊಂದು ಏನ ಪಡೆವೆನು
ಎನ್ನುತಾ ಹುಲಿ ಹಾರಿ ನೆಗೆದು
ತನ್ನ ಪ್ರಾಣವ ಬಿಟ್ಟಿತು

ಸತ್ಯವೇ ಭಗವಂತನೆಂದ ಪುಣ್ಯಕೋಟಿಯ ಕಥೆಯಿದು

ಮೂಲ ಸಾಹಿತ್ಯ : ಬಿ ಎಂ ಶ್ರೀಕಂಠಯ್ಯ

Comments

Post a Comment

Popular posts from this blog

Bhavageethe - Onde baari nanna noDi

ಒಂದೇ ಬಾರಿ ನನ್ನ ನೋಡಿ ಮಂದ ನಗಿ ಹಾಂಗ ಬೀರಿ ಒಂದೇ ಬಾರಿ ನನ್ನ ನೋಡಿ ಮಂದ ನಗಿ ಹಾಂಗ ಬೀರಿ ಮುಂದ ಮುಂದ ಹಂಗಾ ಹೋದ ಹಿಂದ ನೋಡದ ಗೆಳತಿ.. ಹಿಂದಾ ನೋಡದ.. ಮುಂದ ಮುಂದ ಮುಂದ ಹೋದ ಹಿಂದ ನೋಡದ ಗೆಳತಿ.. ಹಿಂದ ನೋಡದ.. ಹಿಂದ ನೋಡದ ಗೆಳತೀ.. ಹಿಂದಾ ನೋಡದ ಗಾಳಿ ಹೆಜ್ಜಿ ಹಿಡದ ಸುಗಂದ ಅತ್ತ ಅತ್ತ ಹೋಗು ಅಂದ ಗಾಳಿ ಹೆಜ್ಜಿ ಹಿಡದ ಸುಗಂದ ಅತ್ತ ಅತ್ತ ಹೋಗು ಅಂದ ಹೋದ ಮನಸು ಅವನ ಹಿಂದ, ಹಿಂದ ನೋಡದ ಗೆಳತೀ.. ಹಿಂದ ನೋಡದ ಹೋದ ಮನಸು ಅವನ ಹಿಂದ, ಹಿಂದ ನೋಡದ ಗೆಳತೀ.. ಹಿಂದ ನೋಡದ ಹಿಂದ ನೋಡದ ಗೆಳತೀ.. ಹಿಂದಾ ನೋಡದ ನಂದ ನನಗ ಎಚ್ಚಾರಿಲ್ಲ ಮಂದಿ ಗೊಡವಿ ಏನಾ ನನಗ ನಂದ ನನಗ ಎಚ್ಚಾರಿಲ್ಲ ಮಂದಿ ಗೊಡವಿ ಏನಾ ನನಗ ಒಂದೇ ಅಳತಿ ನಡೆದದ ಚಿತ್ತ ಹಿಂದ ನೋಡದ ಗೆಳತೀ.. ಹಿಂದ ನೋಡದ ಒಂದೇ ಅಳತಿ ನಡೆದದ ಚಿತ್ತ ಹಿಂದ ನೋಡದ ಗೆಳತೀ.. ಹಿಂದ ನೋಡದ ಹಿಂದ ನೋಡದ ಗೆಳತೀ.. ಹಿಂದಾ ನೋಡದ ಸೂಜಿ ಹಿಂದ ದಾರದಾಂಗ, ಕೊಳ್ಳದೊಳಗ ಜಾರಿದಾಂಗ ಸೂಜಿ ಹಿಂದ ದಾರದಾಂಗ, ಕೊಳ್ಳದೊಳಗ ಜಾರಿದಾಂಗ ಹೋದ ಹಿಂದ ಬಾರದಾಂಗ.. ಹಿಂದ ನೋಡದ ಗೆಳತೀ.. ಹಿಂದ ನೋಡದ ಹೋದ ಹಿಂದ ಬಾರದಾಂಗ.. ಹಿಂದ ನೋಡದ ಗೆಳತೀ.. ಹಿಂದ ನೋಡದ ಹಿಂದ ನೋಡದ ಗೆಳತೀ.. ಹಿಂದಾ ನೋಡದ ಒಂದೇ ಬಾರಿ ನನ್ನ ನೋಡಿ ಮಂದ ನಗಿ ಹಾಂಗ ಬೀರಿ ಒಂದೇ ಬಾರಿ ನನ್ನ ನೋಡಿ ಮಂದ ನಗಿ ಹಾಂಗ ಬೀರಿ ಮುಂದ ಮುಂದ ಮುಂದ ಹೋದ ಹಿಂದ ನೋಡದ ಗೆಳತಿ.. ಹಿಂದ ನೋಡದ.. ಹಿಂದ ನೋಡದ ಗೆಳತೀ.. ಹಿಂದಾ ನೋಡದ
Read more

Shivalinga Poojisayya ( ಶಿವಲಿಂಗ ಪೂಜಿಸಯ್ಯ )

ಶಿವಲಿಂಗ ಪೂಜಿಸಯ್ಯ ನೀ ಶಿವಲಿಂಗ ಪೂಜಿಸಯ್ಯ ಭವ ರೋಗವನು ಕಳೆವ ಶಿವಲಿಂಗ ಪೂಜಿಸಯ್ಯ ನೀ ಶಿವಲಿಂಗ ಪೂಜಿಸಯ್ಯ ಚಿರ ಸೌಖ್ಯಾಕಾಗಿ ಮುದದಿ ಗುರು ಸೇವೆಯನು ಮಾಡಿ ಚಿರ ಸೌಖ್ಯಾಕಾಗಿ ಮುದದಿ ಗುರು ಸೇವೆಯನು ಮಾಡಿ ಗುರು ಪಾದವನು ಸ್ಮರಿಸಿ ಗುರು ಕರುಣದಿಂದ ಪಡೆದ ಚಿರ ಸೌಖ್ಯಾಕಾಗಿ ಮುದದಿ ಗುರು ಸೇವೆಯನು ಮಾಡಿ ಗುರು ಪಾದವನು ಸ್ಮರಿಸಿ ಗುರು ಕರುಣದಿಂದ ಪಡೆದ ಶಿವಲಿಂಗ ಪೂಜಿಸಯ್ಯ ಶಿವಲಿಂಗ ಪೂಜಿಸಯ್ಯ ಶಿವಲಿಂಗ ಪೂಜಿಸಯ್ಯ ಭವ ರೋಗವನು ಕಳೆವ ಶಿವಲಿಂಗ ಪೂಜಿಸಯ್ಯ ಶಿವಲಿಂಗ ಪೂಜೆಯಿಂದ ಶಿವಲಿಂಗ ದ್ಯಾನದಿಂದ ಶಿವಲಿಂಗ ಪೂಜೆಯಿಂದ ಶಿವಲಿಂಗ ದ್ಯಾನದಿಂದ ಶಿವಲಿಂಗ ನೋಟದಿಂದ ಶಿವಪದವು ಸಿಗುವುದಯ್ಯ ಶಿವಲಿಂಗ ಪೂಜೆಯಿಂದ ಶಿವಲಿಂಗ ದ್ಯಾನದಿಂದ ಶಿವಲಿಂಗ ನೋಟದಿಂದ ಶಿವಪದವು ಸಿಗುವುದಯ್ಯ ಶಿವಲಿಂಗ ಪೂಜಿಸಯ್ಯ ಶಿವಲಿಂಗ ಪೂಜಿಸಯ್ಯ ಶಿವಲಿಂಗ ಪೂಜಿಸಯ್ಯ ಭವ ರೋಗವನು ಕಳೆವ ಶಿವಲಿಂಗ ಪೂಜಿಸಯ್ಯ ಶಿವಲಿಂಗ ಪೂಜೇಗೈದು ಶಿವಶರಣರೆಲ್ಲ ದರೆಯೊಳ್ ಶಿವಲಿಂಗ ಪೂಜೇಗೈದು ಶಿವಶರಣರೆಲ್ಲ ದರೆಯೊಳ್ ಶಿವರೂಪದಿಂದ ಬಾಳಿ ಶಿವ ರಂಭಾಪುರೀಶನ ಪಡೆದರಯ್ಯ ಶಿವಲಿಂಗ ಪೂಜಿಸಯ್ಯ ಶಿವಲಿಂಗ ಪೂಜಿಸಯ್ಯ ಶಿವಲಿಂಗ ಪೂಜಿಸಯ್ಯ ಭವ ರೋಗವನು ಕಳೆವ ಶಿವಲಿಂಗ ಪೂಜಿಸಯ್ಯ
Read more